പ്രണയം

പരിഭവം ചമയുബോള്‍ നിന്‍ ചൊടിയിണകളില്‍
വിടരുന്നൊരജ്ഞാത നാണം
ദേഷ്യം നടിക്കുബോള്‍ നിന്‍ കവിളിണകളില്‍
നിറയുന്നൊരാശ്വേത നിറവും
ഒന്നടുത്താല്‍ പിന്നെ ഒരുപാടു നന്മകള്‍
നിറഞ്ഞൊരു ദേവിയെപ്പോലെ
ഒരുപാടു സ്നേഹിച്ചു പോയെന്റെ മുത്തേ
മുന്‍ ജന്മ സുകൃതം പോലെ
ഇഷ്ടം നടിക്കുബോള്‍ അറിഞ്ഞു കൊണ്ടെന്തിന്
നീ എന്നില്‍ നിന്നകലുന്നു
കണ്ടിട്ടും കാണാത്ത ഭാവമായ് നീ എന്നെ
അകറ്റുവാന്‍ നോക്കുകയാണോ?
അറിയില്ല പെണ്ണേ അതെന്തുകൊണ്ടോ
അറിയാം നിനക്കതിനാവുകില്ല
കാത്തിരിക്കാം ഞാന്‍ നിനക്കായി ഇവിടെ
നമ്മളാദ്യം കണ്ടൊരീ മരത്തണലില്‍